2015 දී පාසල්වල පළමු ශ්‍රේණියට ළමුන් ඇතුළත් කිරීමේ ක‍්‍රමවේදය සමාලෝචනය සඳහා අමාත්‍ය මණ්ඩලය, වාරිමාර්ග හා ජල කළමනාකරණ අමාත්‍ය නිමල් සිරිපාල ද සිල්වා මහතාගේ සභාපතිත්වයෙන් යුත් අමාත්‍ය මණ්ඩල අනුකමිටුවක් පත්කර ඇත.
අදාළ අමාත්‍ය මණ්ඩල අනුකමිටුව විසින් මේ සම්බන්ධයෙන් කරුණු විමර්ශනය කරමින් සිටින අතර එම අනුකමිටුවේ නිර්දේශයන් අමාත්‍ය මණ්ඩලය වෙත ඉදිරිපත් කිරීමෙන් පසු ගනු ලබන තීරණයන්ට අනුව අධ්‍යාපන අමාත්‍යාංශය පළමු ශ්‍රේණියට ළමුන් ඇතුළත් කිරීමට අදාළව ඉදිරි කටයුතු කිරීමට නියමිතය.
මේ වන තෙක් 2015 වර්ෂයේ රජයේ පාසල්වල පළමු ශ්‍රේණියට ළමුන් ඇතුළත් කිරීමට අදාළව කිසිදු තීරණයක් අමාත්‍ය මණ්ඩලය විසින් ගනු ලැබ නොමැති බවද අධ්‍යාපන අමාත්‍යාංශය සඳහන් කළේය.
NDH/kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
