සැප්තැම්බර් 24, 2020
tami eng youtube  twitter facebook

    "ඉන්වෙස්ට්‍රේඩ් - 2014" අද BMICH හි දී

    මැයි 19, 2014
    ඉන්දියානු වාණිජ සංගමය සංවිධානය කරනු ලබන "ඉන්වෙස්ට්‍රේඩ් - 2014" ( INVESTRADE 2014) ප්‍රදර්ශනයේ සමාරම්භක උළෙල ආර්ථික සංවර්ධන අමාත්‍ය බැසිල් රාජපක්ෂ මහතාගේ ප්‍රධානත්වයෙන් හා ඉදිකිරීම්, ඉංජිනේරු සේවා නිවාස හා පොදු පහසුකම් අමාත්‍ය විමල් වීරවංශ මහතාගේ සහභාගීත්වයෙන් අද (19) පස්වරු 4.00ට බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා ( BMICH) පරිශ්‍රයේ දී පැවැත්වේ.
     
    ඉන්දියානු වාණිජ සංගමය (ICC) හා ශ්‍රී ලංකාවේ ඉන්දියානු මහ කොමසාරිස් කාර්යාලය එක්ව මෙම ප්‍රදර්ශනය සංවිධානය කරනු ලබයි. 
     
    ගොඩනැගිලි ඉදිකිරීම්, අධිවේගි මාර්ග, ජල නල මාර්ග, පාලම්, වාරිමාර්ග සහ අනෙකුත් ඉදිකිරීම් කටයුතු සම්බන්ධව ප්‍රදර්ශන කුටි 60කට ආසන්න ප්‍රමාණයකින් මෙම ප්‍රදර්ශනය සමන්විත වන අතර ශ්‍රී ලංකාවේ සහ ඉන්දියාවේ ඉදිකිරීම් ආයතන විසින් මෙම ප්‍රදර්ශන කුටි ඉදිරිපත් කරනු ලබයි.
     
    අද සිට 21 වෙනිදා දක්වා මෙම ප්‍රදර්ශනය  BMICH හිදි පැවැත්වේ.
     
    මෙම අවස්ථාවට ශ්‍රී ලංකාවේ ඉන්දියානු මහ කොමසාරිස් වයි.කේ. සිංහා, ඉන්දියානු වාණිජ සංගමයේ අධ්‍යක්ෂ ජනරාල් රජිව් සිංහා, ශ්‍රී ලංකාවේ වාණිජ සංගමයේ සභාපති සුනිල් විජේසිංහ යන මහත්වරු, දේශීය හා විදේශීය ඉදිකිරීම් කර්මාන්තකරුවන් ඇතුළු විශාල පිරිසක් සහභාගිවීමට නියමිතය.
     
    DB

    340x250

    නවතම පුවත්

    dgi log front

    electionR2sin

    recu

    Desathiya