එහිදී 1981 අංක 1 දරන පාර්ලිමේන්තු මැතිවරණ පනතේ 122 වැනි වගන්තියෙන් විධිවිධාන සලකා ඇති අතර අගෝස්තු 17 වැනි දා පැවැත්වෙන පාර්ලිමේන්තු මැතිවරණයේදී එය නිසි පරිදි ක්‍රියාත්මක විය යුතු බව ද කොමසාරිස්වරයා දන්වා සිටි.
රාජ්‍ය අංශයේ නිලධරයන් විශේෂ නිවාඩු පිළිබඳව ආයතන සංග්‍රහයේ XII වන පරිච්ජේදයේ 12.3 ජේදයේ දක්වා ඇති පරිදි පාර්ලිමේන්තු මැතිවරණයකදී අවම කාලය පැය 4ක් ලෙස ද ඡන්දය ප්‍රකාශ කිරීමට යාම පිණිස අව්‍යයැයි නැගෙන අඛන්ඩ කාලයක් සඳහා වැටුප් අඩු කිරීමක් නොමැතිව විහේෂ නිවාඩු ලබා දිය යුතු බව ද දක්වා ඇත.
එසේ වුවද පෞද්ගලික අංශයේ සේවා නියුක්තීන්ට ලිඛිත නියමයකින් පැන වූ එවැනි විශේෂ නිවාඩු ලබාදීමේ ක්‍රමාවේදයක් නොමැති හෙයින් බොහෝ සේවා යෝජකයින් තම සේවා නියුක්තීන්ට ඡන්දය පාවිච්චි කිරීම සඳහා වූ නිවාඩු ලබා නොදෙන බවට පසුගිය ඡන්ද විමසීම් කිහිපයකිදී ම පැමිණිළි ලැබී ඇත.
එබැවින් ඉහත කරුණට අදාළව 2014.12.22 දින ශ්‍රී ලංකා මානව හිමිකම් කොමිෂන් සභාව විසින කම්කරු හා කම්කරු සබඳතා අමාත්‍යාංශයේ ලේකම් , කම්කරු කොමසාරිස් ජනරාල්, මැතිවරණ කොමසාරිස් කැඳවා කොමිෂන් සභාවේ සභාපතිවරයා, කොමසාරිස්වරයා හා නීති ලේකම්වරයා ඇතුලු සෙසු නිලධාරීන්ට සමඟ මානව හිමිකම් කොමිෂන් සභාවේදී පවත්වනු ලැබූ සාකච්ඡාවේදී එකඟත්වයට පැමිණි ඇත.
ඒ අනුව පෞද්ගලික අංශයේ සේවකයින්ට ජාතික මැතිවරණයකදී ඡන්දය පාවිච්චි කිරීමට යෑමට හා ඊමට නිවාඩු ලබාදීම සඳහා දුර හා කාලය අතර සම්බන්ධතාවක් සකස් කරන ලෙස කොමිෂන් සභාව විසින් කරන ලද දැන්වීම අනුව පහත සඳහන් පරිදි කටයුතු කිරීමට මැතිවරණ දෙපාර්තමේන්තුව නිර්දේශ කර ඇත.
|
ඡන්දය පාවිච්දි කිරීම සඳහා ලබාදිය යුතු අවම නිවාඩු කාලසීමාවසේවා ස්ථානයේ සිට තම ඡන්ද පොළට යා යුතු දුර ප්‍රමාණය |
ලබාදිය යුතු අවම නිවාඩු කාලසීමාව |
|
කි.මී.40ක් හෝ ඊට අඩු නම් කි.මී.40ක් - 100ත් අතර නම් කි.මී.100ක් - 150ත් අතර නම් කි.මී.150ට වැඩි නම් |
දින භාගයක් දින එකක් දින එක හමාරක් දින දෙකක් |
ඉහත සටහනින් යෝජනා කර ඇත්තේ ලබාදිය යුතු අවම කාලය වන අතර දිවයිනේ සමහර ඡන්දදායකයින්ට ඡන්ද පොළට යාමට හා ඊමට දින තුනක් අවශ්‍යවන අවස්ථා ද සැලකිය යුතු සංඛ්‍යාවක් තිබෙන හෙයින් අවස්ථාවෝචිතව දින 3ක් නිවාඩු දීමට සිදු වන බව ද සැලකිල්ලට ගත යුතු බව කොමසාරිස්වරයා නිවේදනයේ සඳහන් කරයි.
මෙහිදී සේව නියුක්තීන් විසින් ලිඛිත ඉල්ලීමක් මඟින් නිවාඩු ඉල්ලුම් කළ යුතුය.
ඉහත කරුණු සැලකිල්ල ගනිමින් ස්වකීය ආයතනයේ සේවා නියුකතීන්ට ඡන්දය දීමට යාමට හා ඊමට ප්‍රමාණවත් නිවාඩු ලබා දෙන ලෙස සියලුම සේවා යෝජකයන්ගෙන් මැතිවරණ කොමසාරිවරයා ඉල්ලා සිටි.
kpm
