"මතින් නිදහස් - ජීවයෙන් පිරි රටක්" යන්න මෙවර තේමාව වන අතර දිවයින පුරා මත්ද්‍රව්‍ය නිවාරණ වැඩසටහනට සම්බන්ධ 5000ක පිරිසක් මෙම ප්‍රධාන උත්සවයට සහභාගි වන බව අන්තරායකර ඖෂධ පාලක ජාතික මණ්ඩලයේ සභාපති වෛද්‍ය තිලංග සමරසිංහ මහතා පැවසීය.
මෙදිනට ජනාධිපතිතුමාගේ හා අගමැතිතුමාගේ විශේෂ ප්‍රකාශයන් නිකුත් කෙරෙන බව පෙන්වා දුන් සභාපතිවරයා මත්ද්‍රව්‍ය නිවාරණය වෙනුවෙන් සුවිශේෂ දායකත්වය දැරූවන්ට සමරු තිළිණ ප්‍රදානයක් සිදු කිරීමට නියමිතය.
මත්ද්‍රව්‍ය වෙනුවෙන් සුවිශේෂි අවධානයක් යොමුකරමින් කටයුතු කරන ජනාධිපති මෛත්‍රීපාල සිරිසේන මහතාට ද විශේෂ සමරු තිළිණයක් ප්‍රදානය කෙරේ.
මහජන සාමය හා ක්‍රිස්තියානී කටයුතු පිළිබඳ අමාත්‍යාංශය, අන්තරයාකර ඖෂධ පාලක ජාතික මණ්ඩලය, හා ශ්‍රී ලංකා පොලීසිය ඒකාබද්ධව මෙම උත්සය සංවිධානය කරනු ලබයි.
මෙම අවස්ථාවට පූජ්‍ය මාදුළුවාවේ සෝභිත හිමි, පූජ්‍ය අතුරලියේ රතන හිමි ප්‍රමුඛ සංඝරත්නය, අමාත්‍යවරුන්, තානාපතිවරුන් ඇතුළු පිරිසක් සහභාගි වීමට නියමිතය.
kpm
