අමාත්‍යවරයා මේ බව ප්‍රකාශ කළේ පසුගිය දා කුරුණෑගල සිය කාර්යාලයේ දී ශ්‍රී ලංකා නිදහස් පක්ෂ ක්‍රියාකාරීන් හමුවූ විශේෂ හමුවක දී ය.
"මේ වසරේ අවසානයේ දී බොහෝදුරට ජනාධිපතිවරණයක් එන්නට ඉඩ තිබෙනවා. ප්‍රාදේශීය සභා මතිවරණයකුත් එනවා. පාර්ලිමේන්තු මැතිවරණයකට කාලය තිබෙනවා ඒ නිසා පාර්ලිමේන්තු මැතිවරණයකට කලබලයක් නෑ".
ශ්‍රී ලංකා නිදහස් පක්ෂයේ අන්තගාමීන් නොමැති බව පෙන්වා දෙන අමාත්‍යවරයා පක්ෂය ආරම්භ කළ දින සිටම එසේ බවත් පැවසීය.
"අපි කවදාවත් මහජනතාවගෙන් ප්‍රතික්ෂේප වුණේ නෑ. අපිට ජාතිවාදීන් කිව්වේ නෑ. කුලවාදීන් කිව්වේ නෑ. ආගම්වාදීන් කිව්වේ නෑ. සන්ධාන ආණ්ඩුවට විවිධ කට්ටිය එකතු වෙනවා. මේ අයට විවිධ න්‍යාය පත්‍ර තිබෙනවා. මේ කට්ටිය දැන් කෑ ගහන්නේ, ඡන්දය ඉලක්ක කරගෙනයි. ඡන්දයට පදනම හදා ගන්න විවිධ කතා කියනවා".
අපේ රජයේ සංවර්ධන වැඩපිළිවෙළ ඉදිරියට යන බවත් රජය කටයුතු කරන්නේ පැහැදිළි න්‍යාය පත්‍රයකට බවත් පෙන්වා දෙන අමාත්‍යවරයා රජය මෙම ක්‍රියාවන්ට කලබල නොවන බවත් පැවසීය.
මේ අවස්ථාවට වයඹ පළාත් සභා මන්ත්‍රී නීතිඥ පියුමාල් හේරත් මහතා ඇතුළු ප්‍රාදේශීය පක්ෂ නියෝජිතවරු විශාල පිරිසක් සහභාගී වූහ.
DB
