සිගරට් පැකට්ටුවක 50% - 60% අතර ප‍්‍රමාණයක රූපමය අවවාද මුද්‍රණය කොට ප‍්‍රදර්ශනය කළ යුතු යැයි අභියාචනාධිකරණය අද (12) තීන්දු කළේය.
80%කින් සිගරට් පෙට්ටියේ රූපමය අවවාද ඇතුළත් කළ යුතු බවට සෞඛ්‍ය අමාත්‍යංශය විසින් නිකුත් කළ ගැසට් නිවේදනය අභියෝගයට ලක් කරමින් ලංකා දුම්කොළ සමාගම විසින් අභියාචනාධිකරණය වෙත පෙත්සමක් ගොනු කෙරිණි.
ඒ සම්බන්ධව සලකා බැලූ අභියාචනාධිකරණය 50% - 60% අතර ප‍්‍රමාණයකින් රූපමය අවවාද ප‍්‍රදර්ශනය කළ යුතු බවට ලංකා දුම්කොළ සමාගමට මෙම තීන්දුව දී තිබේ.
HC/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
