අද (28) විදේශ කටයුතු අමාත්‍යංශය පැවසූ පරිදි සිංගප්පූරු රජය විසින් ශ්‍රී ලංකාවට සිංගප්පූරු මහ කොමසාරිස්වරයෙකු පත් කර ඇත.
ඒ අනුව එස්. චන්ද්‍ර දාස් මහතා ශ්‍රී ලංකා ප්‍රජාතාන්ත්‍රික සමාජවාදී ජනරජයේ අනේවාසික මහ කොමසාරිස්වරයා ලෙස පත් කර ඇත. ශ්‍රී ලංකාවට අක්තපත්‍ර භාර දී ඔහුගේ නිලය භාරගැනීමට නියමිත බව, චැනල් නිවුස් ඒෂියා වාර්තා කර ඇත.
ඔහු මීට පෙර සිංගප්පූරුවේ පදිංචිව සිටිමින් 2006 සිට 2015 දක්වා තුර්කි ජනරජයේ, සිංගප්පූරු අනේවාසික තානාපතිවරයා ලෙස කටයුතු කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
