ජපානයේ විදේශ කටයුතු නියෝජ්‍ය අමාත්‍ය සෙයිජි කිහාරා මහතා පසුගියදා ආර්ථික සංවර්ධන අමාත්‍යාංශයේදී ආර්ථික සංවර්ධන අමාත්‍ය බැසිල් රාජපක්‍ෂ මහතා හමුවී දෙරට අතර ආයෝජන සහ වෙළඳ කටයුතු පිළිබඳව සාකච්ඡා කළේය.
ජපාන නියෝජ්‍ය අමාත්‍යවරයා මැයි 09 වන දින ශ්රී ලංකාවට පැමිණි අතර සංචාරය අතරතුර දී ජනාධිපති මහින්ද රාජපක්‍ෂ මහතා ඇතුළු රජයේ ඉහළ නිලධාරීන් පිරිසක්ද හමුවිය. නියෝජ්‍ය අමාත්‍යවරයා මෙම සංචාරය අතරතුරදී ජපන් ආධාර යටතේ ඉදිවන ජාතික ලේ බැංකුව සහ කොළඹ ඩොක්යාඩ් ආයතනයේ නිරීක්‍ෂණ චාරිකාවකද නිරත විය.
ආර්ථීක සංවර්ධන අමාත්‍යාංශයේ පැවති සාකච්ඡාවට ශ්රී ලංකාවේ ජපාන තානාපති නොබොහිතෝ හෝබෝ මහතා ඇතුළු ජපන් රජයේ උසස් නිලධාරීහු පිරිසක් සහභාගී වූහ.
HC/med
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
