රණවිරුවන්ගේ හා ඔවුන්ගේ පවුල්වල ජීවන තත්ත්වය නගාසිටුවීම සඳහා රජය මඟින් ක්‍රියාත්මක වන "අපි වෙනුවෙන් අපි" අරමුදලට රුපියල් මිලියන 4.5ක මුදලක් ලබාදීමට ගුවන් තොටුපොළ හා ගුවන් සේවා සමාගම පියවර ගෙන ඇත.
ඊට අදාළ චෙක්පත ගුවන් තොටුපොළ හා ගුවන් සේවා සමාගමේ සභාපති ලුතිතන් කර්නල් (විශ්‍රාමික) ප්‍රසන්න වික්‍රමසුරිය මහතා විසින් ඊයේ (09) ආරක්ෂක හා නාගරික සංවර්ධන අමාත්‍යංශයේ ලේකම් ගෝඨාභය රාජපක්ෂ මහතා වෙත භාරදෙන ලද්දේ ආරක්ෂක අමාත්‍යාංශ පරිශ්‍රයේදීය.
මේ අවස්ථාවට ආරක්ෂක අමාත්‍යාංශයේ සේවා වනිතා ඒකකයේ සභාපතිනී අයෝමා රාජපක්ෂ මහත්මිය හා ගුවන් තොටුපොළ හා ගුවන් සේවා සමාගමේ කාර්ය මණ්ඩලයේ සාමාජිකයෝ පිරිසක්ද එක්ව සිටියහ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
