මේ අවාසනාවන්ත අවස්ථාවේ ශ්‍රී ලංකාව නේපාලය සමඟ එක්ව සිටින බව ද, හැකි සෑම සහයෝගයක් ම නේපාලය වෙත ලබා දෙන බව ද, වික්‍රමසිංහ මහතා දන්වා සිටියේ ය.
ඊයේ (25) නේපාල අග්‍රාමාත්‍ය සුෂිල් කොයිරාල (SushilKoirala) මහතා සමඟ ද, වික්‍රමසිංහ මහතා දූරකතනයෙන් සාකච්ඡා කළේ ය.
නේපාලනයට වැඩි වැඩියෙන් වෛද්‍ය අංශයේ සහන සේවාවන් අවශ්‍ය වී ඇති බැවින්, වෛද්‍යවරුන් හා හෙද හෙදියන්ගේ සේවය ලබා ගැනීමට සිදු වී ඇත. මේ නිසා සහන සේවාවන් සඳහා ස්වේච්ඡාවෙන් ඉදිරිපත් වීමට කැමති වෛද්‍යවරුන්, හෙද හෙදියන් හා සහයකයන් වෙතොත්, දූරකතන අංක 071 – 2492884 මගින් අග්‍රාමාත්‍ය කාර්යාලයේ සහකාර ලේකම් රුවන් ගුණවර්ධන මහතා ඇමතීමෙන් ඒ සත්කාර්යයන්ට දායක වීමට හැකි ය.
නේපාලයේ වෛද්‍ය අධ්‍යාපනය ලබන ශ්‍රී ලාංකේය ශිස්‍ය ශිෂ්‍යාවන් ගෙන් ද අගමැති වික්‍රමසිංහ මහතා ඉල්ලා සිටින්නේ ලාංකේය වෛද්‍ය කණ්ඩායම් සමඟ එක්වී සහන සේවා කටයුතු සඳහා සම්බන්ධවන ලෙස ය. ඒ පිළිබඳ වැඩි විස්තර නේපාලයේ ශ්‍රී ලංකා තානාපති කාර්යාලය මගින් ලබා ගත හැකි ය.
kpm
