මැයි මස 3 සහ 4 දෙදින වෙසක් දින ලෙස නිවේදනය කිරීමත් සමඟම අපේ‍්‍රල් මස 30 වැනිදා සිට මැයි 06 වැනිදා දක්වා වෙසක් සතිය ලෙස නම් කර ඇත.
රාජ්‍ය වෙසක් උත්සවය බදුල්ල මහියංගන රජ මහා විහාරස්ථානයේ දී පැවැත්වීමට නියමිතව ඇත්තේ මැයි 03 වැනිදාය.
මෙවර වෙසක් දින තේමාව ලෙස ‘‘මෛත‍්‍රිය වැඩවීම’’ තෝරාගෙන ඇතැයි රාජ්‍ය පරිපාලන, පළාත් සභා සහ ප‍්‍රජාතන්ත‍්‍රවාදී යහපාලනය පිළිබඳ අමාත්‍ය කරු ජයසූරිය මහතා ප‍්‍රකාශ කර ඇත.
වෙසක් සමරු මුද්දරයක් ද මේ මස 20 වැනිදා නිකුත් කිරීමට නියමිතය.
වෙසක් දෙදින තුළ මත්පැන් සහ මාංශ අලෙවිසල් මෙන්ම සත්ව ඝාතකාගාර වසා දැමීමට නියම කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
