එක්සත් ජාතීන්ගේ වෙසක් දින සැමරුම් උළෙලට සහභාගීවීම සඳහා දිවයිනෙන් පිටත් වූ අග්‍රාමාත්‍ය ආචාර්ය දි.මු. ජයරත්න මැතිතුමා අද (07) පස්වරුවේ වියට්නාම්හි හැනෝයි හි නොයි බායි (Noi Bai) අන්තර් ජාතික ගුවන් තොටුපොළ වෙත ප්‍රවේශ විය.
වියට්නාම් ගුවන් සේවයට අයත් ගුවන් යානයකින් ගුවන් තොටුපළට සම්ප්‍රාප්තවූ එතුමා එහිදී පිළිගනු ලැබුවේ වියට්නාම ජාතික බෞද්ධ සංඝසභාවේ උප සභාපති පූජ්‍ය තික් තංහ් නිහ්යු (Most Ven Thich Thanh Nhieu) හිමිපාණන් වහන්සේ විසිනි.
අග්‍රාමාත්‍ය පෞද්ගලික ලේකම් නීතිඥ අනුරාධ ලංකා ජයරත්න, අග්‍රාමාත්‍ය කාර්යාලයේ අතිරේක ලේකම් අයි.එච්.කේ. මහානාම, වියට්නාම්හි ශ්‍රී ලංකා තානාපති ආචාර්ය අයිවන් අමරසිංහ යන මහත්වරු ද මේ අවස්ථාවට සහභාගී වූහ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
