ශ්‍රී ලංකා විදේශ ගමන් බලපත්‍ර නිකුත් කිරීමේ දී හා අලුත් කිරීමේ දී ආගමන විගමන දෙපාර්තමේනතුවට එම බලපත්‍ර නිකුත් කිරීමේදී අයදුම්කරුවන්ගේ ඇඟිලි සලකුණු ලබා ගැනීමට හැකිවනු පිණිස අවශ්‍ය විධිවිධාන සැලසීමට ආගාමික විගාමික පනත සංශෝධනය කිරීමට අමාත්‍ය මණ්ඩල අනුමැතිය ලැබී තිබේ.
මේ බව කැබිනට් මාධ්‍ය ප්‍රකාශක වෛද්‍ය රාජිත සේනාරත්න අමාත්‍යවරයා අද දහවල් (19) රජයේ ප්‍රවෘත්ති දෙපාර්තමේන්තුවේ පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේ දී ප්‍රකාශ කළේය.
මේ සඳහා 1948 අංක 20 දරන ආගාමික විගාමික පනත සංශෝධනය කිරීම පිණිස නීති කෙටුම්පත් සම්පාදකවරයා විසින් සකස් කරන ලද සංශෝධන පනත් කෙටුම්පත පාර්ලිමේන්තුවේ අනුමැතියට ඉදිරිපත් කිරීම පිණිස මහජන සාමය, ආපදා කළමනාකරණය හා ක්‍රිස්තියානි ආගමික කටයුතු අමාත්‍ය ජෝන් අමරතුංග මහතා ඉදිරිපත් කළ යෝජනාවට අමාත්‍ය මණ්ඩල අනුමැතිය ලැබී තිබේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
