පූගොඩ හා තුල්හිරිය කර්මාන්ත ශාලාවල සේවය කළ රැකියා අහිමි වු 2396ක් අතරින් මෙහි පළමු පියවර යටතේ වර්ජකයන් 48 දෙනෙකුට ඊයේ වන්දි මුදල් ප්‍රදානය කළ අතර මෙම අවස්ථාවට කම්කරු කොමසාරිස් ජෙනරාල් හේරත් යාපා ඇතුළු ඇතුළු පිරිසක් එක්ව සිටියහ.
අමාත්‍යවරයා උත්සව සභාව අමතමින් මෙසේ පැවසීය."දීර්ඝ කාලයක් තිස්සේ මෙම සේවක පිරිස තමන්ට සිදු වු අසාධාරණයට සාධාරණයක් ඉෂ්ඨ කර ගැනීමට දීර්ඝ කාලයක් තිස්සේ දැඩි පරිශ්‍රමයක් දරා තිබෙනවා. රජයේ ඇමතිවරයෙක් විදිහටත් නීතිඥ වෘත්තිකයෙකු ලෙසත් මේ පිරිස මුහුණ දුන් අමිහිරි අතිදැකීම පිළිබඳව පෞද්ගලිකව කණගාටු වෙනවා. ඒ නිසාම මේ පිරිසට සාධාරණයක් ඉෂ්ඨ කිරීම සඳහා මගේ මැදිහත් වීම මත මේ කරුණා සහගත දිමනාව ලබා දීමට අපිට හැකිවුනා. නමුත් මේ ගැටලුව පිළිබඳව තවදුරටත් මානුෂික වශයෙන් සිතා බලා කටයුතු කිරිමට අප උත්සහ ගන්නවා. ඒ අනුව රැකියා අහිමි වු මේ පිරිසගේ පවුල්වල දූ දරුවන්ට රැකියා ලබා දීමේ දී විදේශ රැකියාවලට යොමු කිරීමේදි වැඩි ප්‍රමුඛාවයක් ලබා දීමට කටයුතු කරන බව මතක් කරන්න කැමතියි. නව රජයේ යහපාලන වැඩසටහනේ අපේ ඉලක්කය වන්නේ රාජ්‍ය සේවයේත් පෞද්ගලික අංශයේත් තෘප්තිමත්භාවයකින් යුතුව සේවකයන්ට වැඩකිරීමට ඉඩ සලසා දීමයි. ඒ සඳහා නව රජය වැඩ කරන ජනතාවගේ අයිතිවාසිකම් සුරක්ෂිත කිරීමටද පියවර ගනු ලබනවා. 19වන ආණ්ඩුක්‍රම ව්‍යවස්ථා සංශෝධනය මේ රටේ මහජනතාවගේ අයිතීන් සුරක්ෂිත කරන ජනතා ජයග්‍රහණයක් බැවින් ඉදිරියේදී සෑම පුරවැසියෙකුටම අභිමානයෙන් ජීවත්විය හැකි පරිසරයක් නිර්මාණය කරනවා“ යැයි ද මෙහිදී ඇමතිවරයා පැවසීය.
kpm
