අද (06) උදෑසන 05.30ට නිකුත් කරන ලද කාලගුණ අනාවැකියට අනුව බස්නාහිර, සබරගමුව, දකුණ, මධ්‍යම සහ නැගෙනහිර පළාත්වල උදය කාලයේදී ද වැසි බලාපොරොත්තු විය හැක. සමහර ස්ථානවලට මිලී මීටර් 100ක පමණ තද වැසි ඇතිවීමටද ඉඩ ඇත.
ප්‍රධාන නගර සඳහා කාලගුණ අනාවැකියට අනුව කොළඹ, ගාල්ල, මඩකළපුව, ත්‍රිකුණාමලයට, අනුරාධපුරය, රත්නපුර, මහනුවර, නුවරඑළිය, යාපනය, මන්නාරමට වැසි හෝ ගිගුරුම් සහිත වැසි ඇතිවේ.
ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
HC
