දිවයිනට බටහිර දෙසින් තවමත් පවතින අඩුපීඩන පද්ධතියේ බලපෑම නිසා වර්ධනය වන සක්‍රීය වලාකුළු පද්ධතිය හේතුවෙන් අද (06) පුත්තලම සිට කොළඹ සහ ගාල්ල හරහා මාතර දක්වා වන ගැඹුරු සහ නොගැඹුරු මුහුදු ප්‍රදේශවල වැසි හෝ ගිගුරුම් සහිත වැසි ඇති වන බව කාලගුණවිද්‍යා දෙපාර්තමේන්තුව පවසයි.
දිවයින වටා ඇති මුහුදේ කාලගුණ තත්ත්වය පිළිබඳව අද උදෑසන 05.30ට නිකුත් කරන ලද කාලගුණ අනාවැකියට අනුව සාමාන්‍යයෙන්, සුළං නිරිත දෙසින් හෝ නිශ්චිත දිශාවකින් තොරව හමන අතර සුළං වේගය පැ.කි.මී. 20-40ක් පමණ වේ. නමුත් මෙම ගිගුරුම් සහිත වැසි සමඟ ඉහත මුහුදු ප්‍රදේශවල ක්ෂණිකව පැ.කි.මී. 70-80 පමණ සුළං වේගය ඉහළ යාමට හැකියාවක් පවතී. එවිට එම මුහුදු ප්‍රදේශ ඉතා රළු වීමට වැඩි හැකියාවක් පවතී.
අපරභාගයේදී සහ රාත්‍රී කාලයේදී දිවයින වටා වන සෙසු මුහුදු ප්‍රදේශවල ද වැසි හෝ ගිගුරුම් සහිත වැසි බලාපොරොත්තු විය හැක.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
