රජයේ වෛද්‍ය නිලධාරීන්ගේ සංගමයේ (GMOA) නියෝජිතයින් සහ අග්‍රාමාත්‍ය ආචාර්ය හරිනි අමරසූරිය අතර සාකච්ඡාවක් ඊයේ(24) පස්වරුවේ අග්‍රාමාත්‍ය කාර්යාලයේදී පැවැත්විණි.
වෛද්‍යවරුන් සහ සෞඛ්‍ය පද්ධතිය මුහුණ දෙන ගැටළු පිළිබඳ මෙහිදි අග්‍රාමාත්‍යවරිය සිය අවධානය යොමු කළ අතර යහපත් සෞඛ්‍ය සේවාවක් පවත්වා ගැනීම වෙනුවෙන් වන රජයේ වෛද්‍ය නිලධාරීන්ගේ සංගමයේ ඉදිරි සැලැස්ම අග්‍රාමාත්‍යවරිය වෙත පිළිගැන්වීමද සිදු විය.
රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය සංජීව තෙන්නකෝන්, ලේකම් ප්‍රභාත් සුගතදාස යන මහත්වරුන් සහ රජයේ වෛද්‍ය නිලධාරීන්ගේ සංගමයේ විධායක සභාවේ නියෝජිතයින් පිරිසක් මෙම අවස්ථාවට සහභාගී වුහ
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
