.
වැඩිදුරටත් අදහස් දැක් වූ අමාත්‍යවරයා පැවසුවේ,
ගුරු විදුහල්පති වැටුප් විෂමතාවයක් තිබෙන බව පිළිගන්නවා. මෙය එක රජයක් යටතේ සිදු වූ දෙයක් නෙවෙයි. මෙම ගැටලුව වසර 29ක් තිස්සේ තිබෙනවා. 2021-2022 වර්ෂවල ගුරුවරු දැඩි සටන් ක්‍රියාමාර්ගයකට අවතීර්ණ වුණා. ගුරුවරු ඉගැන්වීම් කාර්යයෙන් පවා ඉවත් වුණා. ඒ අනුව එවකට සිටි රජය ඇමති අනුකමිටුවක් පිහිටුවා කොටස් වශයෙන් වැටුප් වැඩි කරමින් මෙම ගැටලුවට විසඳුම් ලබා දුන්නා.මෙම වැටුප් වැඩි කිරීමෙන් අනෙක් රාජ්‍ය සේවකයන්ගේ වැටුප් විෂමතාවයක් ඇති වෙනවා. මේ සම්බන්ධයෙන් වාර්තා සකස් කර අමාත්‍ය මණ්ඩල සංදේශය ඉදිරිපත් කිරීම සඳහා අවශ්‍ය කටයුතු සිදුවෙමින් තිබෙනවා සමස්ත රාජ්‍ය සේවකයින්ගේ වැටුප මෙම වසරේ වැඩි කලා. එම නිසා මෙම වසරේ එය ක්‍රියාත්මක කරන්න බැරි වුණා. අදියරයෙන් අදියර මෙම කටයුතු සිදු කිරීමට කටයුතු කරනවා. මෙවැනි කටයුතු නිසා දරුවන්ගේ අධ්‍යාපනය කඩා කප්පල් කරන්න බැහැ.
