ශ්‍රී ලංකා පොලිස් රෝහලේ දියුණුව සඳහා අවශ්‍ය ක්‍රියාමාර්ග කඩිනමින් ගන්නා බව පොලිස්පති දේශබන්දු තෙන්නකෝන් මහතා පැවසීය.පසුගියදා(11) නාරහේන්පිට පොලිස් රෝහලේ නවීකරණය කළ වාට්ටුව විවෘත කිරීමේ අවස්ථාවට එක්වෙමින් පොලිස්පතිවරයා මේ බව සඳහන් කළේය.
පොලිස් පරීක්ෂකවරුන්ගේ සංගමය මගින් රුපියල් මිලියන 10කට ආසන්න මුදලක් වැය කරමින් නාරහේන්පිට රෝහලේ මෙම වාට්ටුව නවීකරණය කර තිබේ. වාට්ටු සංකීර්ණය විවෘත කිරීමෙන් පසු පොලිස්පතිවරයා එම වාට්ටුවේ නේවාසිකව ප්‍රතිකාර ලබන පොලිස් නිලධාරීන්ගේ සුවදුක් විමසීමට ද කටයුතු කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
