උත්සව සමය වෙනුවෙන් දිගින් දිගටම තුන්වරක් මෙලෙස අත්‍යවශ්‍ය භාණ්ඩ වල මිල පහත දැමු අතර මෙය සිව්වන වරට කරනු ලැබූ මිල අඩු වන අතර දිවයින පුරා ඇති සියලුම සතොස අලෙවිසැල්වලින් අද (09) සිට මෙම භාණ්ඩ මිලදී ගත හැකි වේ.

වෙළඳ වාණිජ හා ආහාර සුරක්ෂිතතා අමාත්‍යංශයේ උපදෙස් පරිදි රාජ්‍ය අංශය සතු එකම සුපිරි වෙළඳසැල් ජාලය වන ලංකා සතොස ආයතනය මෙලෙස අත්‍යවශ්‍ය පාරිභෝගික භාණ්ඩ වල මිල පහත දැමීමට තීරණය කර තිබේ.

ඒ අනුව, වියලි මිරිස් කිලෝ එකක් රුපියල් 850.00ක්, බී ලූණු කිලෝ එකක් (චීනයෙන් ආනයනය කරන ලද) රුපියල් 375.00ක්, බී ලූණු කිලෝ එකක් (ඉන්දියාවෙන් ආනයනය කරන ලද) රුපියල් 445.00ක්, බී ලූණු කිලෝ (පකිස්ථානයෙන් ආනයනය කරන ලද) එකක් රුපියල් 445.00ක්, සුදු ලූණු කිලෝ එකක් රුපියල් 680.00ක්, පකිස්ථානයෙන් ආනයනය කරන ලද අර්තාපල් කිලෝ එකක් රුපියල් 165.00, රතු පරිප්පු කිලෝ එකක් රුපියල් 298.00ක්, සුදු කැකුළු සහල් කිලෝ එකක් රුපියල් 189.00 ක් වශයෙන් නව මිල සඳහන් වේ.