අද මධ්‍යම රාත්‍රියේ සිට (01) ක්‍රියාත්මක වන පරිදි ලිට්‍රෝ ගෘහස්ථ LP ගෑස් මිල අඩු කර ඇති බව එහි සභාපති මුදිත පීරිස් මහතා මාධ්‍ය වෙත විදේශ නිවේදනයක් නිකුත් කරමින් ප්‍රකාශ කරයි.
ඒ අනුව, සභාපති මුදිත පීරිස් මහතා සඳහන් කළේ; කිලෝග්‍රෑම් 12.5ක ගෘහස්ත ගෑස් සිලින්ඩරයක මිල රුපියල් 135කින් ද, කිලෝග්‍රෑම් 05ක ගෑස් සිලින්ඩරයක මිල රුපියල් 55කින්ද, කිලෝග්‍රෑම් 2.3ක ගෑස් සිලින්ඩරයක මිල රුපියල් 23න් ද අඩු කිරීම සිදු කරන බවයි.
ඒ අනුව කිලෝග්‍රෑම් 12.5ක ගෘහස්ත ලිට්‍රෝ ගෑස් සිලින්ඩරයක නව මිල 4,115ක් වන අතර කිලෝග්‍රෑම් 5ක සිලින්ඩරයක නව මිල රුපියල් 1,652 වේ. කිලෝග්‍රෑම් 2.5ක සිලින්ඩරයක නව මිල රුපියල් 772ක් වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
