මහ සිකුරාදා (29) සහ (31) දිනට යෙදෙන පාස්කු ඉරිදා දිනය වෙනුවෙන් පුළුල් ආරක්‍ෂක වැඩපිළිවෙලක් ක්‍රියාත්මක කරන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව මහතාා පැවසීය.
සියලුම කිතුණු දේවස්ථානවලට පැමිණෙන බැතිමතුන් සහ ඔවුන්ගේ ගමන් මලු පරීක්ෂා කිරිමේ විශේෂ වැඩපිළිවෙලක්ද ඇතුළුව දේවස්ථානවල ආරක්‍ෂාව වෙනුවෙන් පුළුල් සැලසුමක් ක්‍රියාවට නගන බවද හෙතම පැවසීය.
අද(26) මාධ්‍ය වෙත අදහස් දක්වමින් නීතිඥ නිහාල් තල්දූව මහතාා මේ බව පැවසීය. සෑම පොලිස් වසමකම පිහිටි බැතිමතුන් වැඩි වශයෙන් පැමිණෙන දේවස්ථාන වෙත ගොස් අවශ්‍යය සැලසුම් සම්පාදනය කිරීමට ද පොලිසිය සැලසුම් කර තිබේ. එම සැලැස්ම යටතේ බැතිමතුන්ට හිරිහැරයක් නොවන පරිදි යම් පරීක්ෂාවන්ට ලක්කිරීම, දේවස්ථාන වෙත පැමිණෙන පුද්ගලයින් හා ගමන් මළු පරීක්ෂාවකට ලකිරීමට ආදී වැඩ පිලිවෙලක් සැලසුම් කරන ලෙස පොලිස්පති වරයා උපදෙස් ලබාදී ඇත. අවශ්‍ය නම් ඒ සඳහා ත්‍රිවිධ හමුදාව සම්බන්ධ කර ගැනීමට උපදෙස් ලබා දී තිබේ
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
