මාස 16ක කාලසීමාවක් තුළ ක්‍රියාත්මක කිරීමට යෝජිත මෙම ව්‍යාපෘතිය යටතේ, මෝටර් රථ තාක්ෂණය,නිෂ්පාදන තාක්ෂණය - CNC ,පෑස්සුම් තාක්ෂණය ,විදුලි තාක්ෂණය,ඉලෙක්ට්‍රෝනික් තාක්ෂණය ඇතුළු සියලුම පාඨමාලාවන්වල පොදු අවශ්‍යතාවන් සඳහා පහසුකම් සැලසීමට අපේක්ෂිතය . යෝජිත ව්‍යාපෘතිය ක්‍රියාත්මක කිරීම පිණිස දෙපාර්ශවය අතර අත්සන් තැබීමට නියමිත කෙටුම්පත් අවබෝධතා ගිවිසුම සඳහා නිතිපතිගේ නිෂ්කාශනය සහ විදේශ කටයුතු අමාත්‍යංශයේ හා විදේශ සම්පත් දෙපාර්තමේන්තුවේ එකඟතාව ලැබී තිබේ. ඒ අනුව අදාළ අවබෝධතා ගිවිසුමට අත්සන් තැබීම පිණිස අධ්‍යාපන අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදි.
