වැඩිදුරටත් අදහස් දැක් වූ අමාත්‍යවරයා පැවසුවේ, අධ්‍යාපන විෂය තුළ 6 වසරේ සිට 9 වසර දක්වා විද්‍යාව සහ සෞඛ්‍ය අනිවාර්ය විෂයක් කර ඇති බවයි. පාසල් පද්ධතිය තුළ ප්‍රජනක සෞඛ්‍ය සම්බන්ධයෙන් වයසට ගැළපෙන පරිදි පාසල් සිසුන් දැනුම්වත් කිරීමද සිදු වෙන බව පෙන්වා දුන් අමාත්‍යවරයා, උසස්පෙළ සිසුන් සඳහා 16+ නමිත් අතිරේක කියවීම් පොතක්ද හඳුන්වා දී තිබේ. මෙවැනි අතිරේක පොත් මගින් මෙම විෂය සම්බන්ධයෙන් සිසුන් දැනුම්වත් කිරීම සිදු වේ. වයස අවුරුදු 12-47ත් අතර කාන්තාවන්ගෙන් වැඩි පිරිස නිසි සෞඛ්‍ය ක්‍රමවේද අනුගමනය නොකරන බවට හඳුනාගෙන ඇති බවත් ඒ අනුව 6 ශ්‍රේණියෙන් ඉහළ දරුවන්ට වවුචරයක් මගින් ප්‍රමිතිය සහිත සනීපාරක්ෂක තුවා මිලදීගැනීමට අවස්ථාව සලසා දෙන බවද කීය.
