ඒ අනූව මේ වන විට බිත්තර මිලියන 18ක් පමණ ආනයනය කර ඇතැයිද, උත්සව සමයේ අවශ්‍යතා සදහා තවත් බිත්තර මිලියන 42ක් පමණ ආනයනය කළ යුතුව ඇතැයිද ගණනය කර ඇත. එම බිත්තර ප්‍රමාණය ආනයනය කිරීම සදහා සත්ත්ව නිෂ්පාදන හා සෞඛ්‍ය දෙපාර්තමේන්තුව විසින් නිර්දේශිත ඉන්දීය ආයතන වෙතින් මිල ගණන් කැදවා ඇති අතර අමාත්‍ය මණ්ඩලය විසින් පත් කළ ස්ථාවර ප්‍රසම්පාදන කමිටුවේ නිර්දේශය පිරිදි අදාල ප්‍රසම්පාදනයන් ප්‍රදානය කිරීම සදහා මුදල් ආර්ථික ස්ථායීකරණ සහ ජාතික ප්‍රතිපත්ති අමාත්‍ය වශයෙන් ජනාධිපත්තුමා ඉදිරිපත් කළ යෝජනාවට අමාත්‍ය මණ්ඩල අනුමැතිය හිමිවිය.
