අමාත්‍යවරයා මේ බව පැවසුවේ අද (12) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
අමාරුවෙන් පීල්ලට දාගෙන ඇති ආර්ථිකය යළි පීලි පැන්නවීම සදහාත් දැනට ඉතාම ුෂ්කර ගමනක සීරුවෙන් ගමන් කරන තත්ත්වය කඩාකප්පල් කිරීම සදහාත් විවිධ බලවේග විවිධ ආකාරයට රාජ්‍ය ආයතන තුළ හැසිරිය හැකි බව අමාත්‍යවරයා පැවසුවේය.
එය ඉතිහාසය පුරාම සිදුවී ඇතැයිද, ඕනෑම ප්‍රශ්නයක් ඇතිනම් සාකච්ඡාව, සම්මුතිය හා සම්මන්ත්‍රණය මගින් සාධාරණව විසදාගත හැකි බවද පැවසූ කැබිනට් ප්‍රකාශකවරයා වැඩවර්ජන වලින් වඩාම පීඩිවට පත්වන්නේ සාමාන්‍ය පොදු ජනතාව බවද පෙන්වා දුන්නේය.
එමනිසා එලෙස පීඩාවකට පත් නොකර කතාබහ කරන ලෙස ඉල්ලා සිටි අමාත්‍යවරයා එසේ නොකර දේශපාලන අරමුණක් වෙනුවෙන් කටයුතු කරනවා නම් ඒ පිළිබද ආයතන මට්ටමෙන් මෙන්ම අපරාධ පර්යේෂණ දෙපාර්තමේන්තුව මගින් ඒ පිළිබද විභාග කර බලන බවද පැවසුවේය.
