'' කෝප් කමිටුව දේශපාලණීකරණයට භාජනය කරන්න එපා ''යැයි පාර්ලිමේන්තුවේ පොදු ව්‍යාපාර පිළිබඳ කාරක සභාවේ ( කෝප් කමිටුව ) සභාපති, පාර්ලිමේන්තු මන්ත්‍රී මහාචාර්ය රන්ජිත් බණ්ඩාර මහතා අද (15) පාර්ලිමේන්තුවේ දී අවධාරණය කළේ ය.
ඊයේ (14) පැවැති කෝප් කමිටුව සම්බන්ධව ක්‍රීඩා අමාත්‍යවරයා සිදු කළ ප්‍රකාශයකට ප්‍රතිචාර දක්වමින් කෝප් කමිටුවේ සභාපතිවරයා මේ බව පැවසීය.
එහිදී අඳහස් දැක්වූ කෝප් කමිටුවේ සභාපතිවරයා;
ඊයේ ස්වාධීනව ආව පිරිසක් හිටියා. විපක්ෂයේ මන්ත්‍රීවරු ආවේ වෙන පරමාර්ථයකින්. අපිට කිසිම දේශපාලන පරමාර්ථයක් නෑ. කෝප් කමිටුව දේශපාලණීකරණයට භාජනය කරන්න එපා. අපි ක්‍රීඩා ඇමතිවරයාගෙ නම වත් කිව්වේ නෑ. මෙය ස්වාධීන කමිටුවක් ලෙස පවත්වාගෙන යාමේ වගකීම තිබෙනවා විපක්ෂ නායකතුමාටත් යැයි මන්තීවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
