මෙම පනත් කෙටුම්පත් පාර්ලිමේන්තුවට ඉදිරිපත් කරමින් අමාත්‍යවරයා පැවසුවේ;
මෙම මධ්‍යස්ථානය ගිලන් වී අසරණ වූ භික්ෂූන් වහන්සේලා වෙනුවෙන් 2007 වර්ෂයෙන් ආරම්භ වුණා. මෙම මධ්‍යස්ථානය දැනට පේරාදෙණිය රෝහල මගින් පාලනය කර තිබෙත ආයතනයක්. ඉදිරියේදී පේරාදෙණිය රෝහලට අනුබද්ධ කර නියමානුකූලව පවත්වාගෙන යාම සඳහා තමයි මෙම කටයුතු සිදු කරන්නේ.පසුගිය කාල සීමාව පුරාම මෙම මධ්‍යස්ථානය ගිලන් වූ භික්ෂූන් වහන්සේලා වෙනුවෙන් විශාල සේවාවක් ඉටු කර තිබෙනවා. එම කටයුතු වඩාත් නෛතික භාවයෙන් යුතුව ඉදිරියටත් කරගෙන යාම වෙනුවෙන් තමයි මෙම පනත ඉදිරිපත් කර තිබෙන්නේ.ඒ අනුව ඉදිරියේදී ගිලන් වූ භික්ෂූන් වහන්සේලාට සේවය සපයන රෝහලක් වශයෙන් කටයුතු කිරීමට තමයි මෙම පනත ඉදිරිපත් කරන්නේ මේ වෙනුවෙන් කටයුතු කළ පක්ෂ විපක්ෂ සෑම කෙනෙකුටම අපි ස්තුතිවන්ත වෙනවා.
