මුදලට සීමා නොවී සිය කාලය, ශ්‍රමය, ධනය වැය කරලමින් රෝගීන් සුවපත් කරලීමෙහිලා කැපවූ ජාතික සෞඛ්‍ය සේවාවට සුවිශාල දායකත්වයක් දක්වන සුදුසුකම්ලත් පාරම්පරික වෛද්‍යවරුන් 24 දෙනෙකු සඳහා ආයුර්වේද වෛද්‍ය සභාවේ ලියාපදිංචිය ලබා දීම දේශීය වෛද්‍ය රාජ්‍ය අමාත්‍ය නීතිඥ සිසිර ජයකොඩි මහතාගේ ප්‍රධානත්වයෙන් ඊයේ (08) මහරගම, නාවින්න දේශීය වෛද්‍ය ක්‍රම පිළිබඳ ජාතික ආයතනයේදී සිදු කෙරිණ.
එහිදී සර්වාංග, සර්පවිෂ, කැඩුම් බිඳුම් සහ ගෙඩි වන යන ප්‍රතිකාර සේවාවන්හී සුදුසුකම්ලත් පාරම්පරික වෛද්‍යවරුන් වෙත වෛද්‍ය සභාවේ ලියාපදිංචිය ලබා දීම සිදු විය.
මෙම අවස්ථාවට ආයුර්වේද කොමසාරිස් වෛද්‍ය ධම්මික අබේගුණවර්ධන, ආයුර්වේද වෛද්‍ය සභාවේ ලේඛකාධිකාරි වෛද්‍ය අජිත් කුමාර, ශ්‍රී ලංකා ආයුර්වේද ඖෂධ සංස්ථාවේ සභාපති ආචාර්ය අනුර ඇතුලත්මුදලි, දේශීය වෛද්‍ය ක්‍රම පිළිබඳ ජාතික ආයතනයේ අධ්‍යක්ෂ විමර්ශන චතුරංග ඇතුළු වෛද්‍යවරුන් පිරිසක් සහභාගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
