අමාත්‍යවරයා මේ බව ප්‍රකාශ කළේ, අද (07) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
ඒසේ වුවද ඕනෑම ඉඩමක් රජය ව්‍යාපෘති සඳහා බදු පදනමෙන් ලබාදෙන බව කියාසිටි අමාත්‍යවරයා තමා විෂයභාර අමාත්‍යවරයා වශයෙන් ඕනෑම අවස්ථාවක පිටකොටුව, කොල්ලුපිටිය, බම්බලපිටිය, බෙංතොට, හික්කඩුව, අනුරාධපුර ආදී ඕනෑම දුම්රිය නැවතුම්පොළක් ආශ්‍රිතව දුම්රිය නගරයක් (Station Plaza) සෑදීමට ආයෝජකයින් යෝජනාවක් රැගෙන ආවොත් ඒම යෝජනාව කැබිනට් මණ්ඩලයට ඉදිරිපත් කර අනුමැතිය ලබාගෙන කමිටුවක් පත්කර වඩා විනිවිද පෙනෙන ආකාරයට කටයුතු කරන බවද පැවසුවේය.
ආයෝජන ලබාගැනීම ඉතා වැදගත්බව පෙන්වාදුන් අමාත්‍යවරයා මහපොළොව තියාගෙන ඉඳලා එම මහ පොළොවෙන් ආදායම් උපදවන්නේ නැතිනම් අපි රටේ ආර්ථික යාන්ත්‍රණය පනගන්වන්නේ කෙලෙසද යනුවෙන් වැඩිදුරටත් පැවසීය.
