එළඹෙන ජාත්‍යන්තර මූල්‍ය අරමුදලේ සාකච්ඡා වටයේදී යම්කිසි සහනයක් ලබාගත හැකිනම් ප්‍රථමයෙන් එම සහනය රාජ්‍ය සේවකයන්ට ලබාදෙන බවට රජය ප්‍රතිපත්තියක් ලෙස ප්‍රකාශ කර ඇතැයි කැබිනට් ප්‍රකාශක, ජනමාධ්‍ය අමාත්‍ය ආචාර්ය බන්දුල ගුණවර්ධන මහතා සඳහන් කළේය.
අමාත්‍යවරයා මේ බව පැවසුවේ අද (03) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
රජයක් ලෙස එක් අංශයක් ගැන පමණක් සිතා කටයුතු නොකරන බවද, මෙම අවස්ථාවේ සියලුම රාජ්‍ය සේවකයන්ට විශාල බදු බරක් පැනවී ඇතැයිද එය ජනාධිපතිතුමා මෙන්ම සියලුම අමාත්‍යවරුන්ද පිළිගන්නා බවද කැබිනට් ප්‍රකාශකවරයා වැඩිදුරටත් පැවසුවේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
