ඒ අනුව, නාවික හමුදාව තුල මානව සම්පත් කළමණාකරණය ඉහළ නැංවීම, සමුද්‍රීය ආරක්ෂාව ශක්තිමත් කිරීම සඳහා සමුද්‍රීය ආවේක්ෂණ හැකියාවන් වර්ධනය කිරීම ඇතුළු ක්ෂේත්‍රයන් පිළිබඳව, ඒ සම්බන්ධ මෙහෙයුම් කටයුතු සහ රාජකාරීන් සිදුකරනු ලබන නිලධාරීන්ගේ ශක්‍යතාවය වර්ධනය කිරීම සඳහා අවශ්‍ය සහය ලබාදීම මෙම වැඩමුළුව මඟින් සිදු කෙරුණි. මෙම පුහුණු වැඩමුළුව සඳහා නැගෙනහිර නාවික විධානයේ හා ශ්‍රී ලංකා ස්වේච්ඡා නාවික හමුදා ආඥාපති රියර් අද්මිරාල් ධම්මික කුමාර ඇතුළු ජ්‍යේෂ්ඨ හා කණිෂ්ඨ නිලධාරීන් පිරිසක් සහභාගී වී සිටියහ.
තවද, පුහුණු වැඩමුළුව සාර්ථකව අවසන්වීමෙන් අනතුරුව, ඇමෙරිකා එක්සත් ජනපද ආරක්ෂක පාලන ආයතනයේ නියෝජිත පිරිස නාවික හමුදාධිපති වයිස් අද්මිරාල් ප්‍රියන්ත පෙරේරා හමුවූ අතර, එහිදී නාවික හමුදාධිපති විසින් එම නියෝජිත පිරිස වෙත සමරු තිළිණ ලබාදීමද සිදුකෙරිණි
