ඒ මහතා මේ බව ප්‍රකාශ කළේ,රජයේ ප්‍රවෘත්ති දෙපාර්තමේන්තුවේ පැවැති විශේෂ මාධ්‍ය සාකච්ඡාවේ දී ය.
රට වැටී ඇති අවස්ථාවේ දී ගොඩ නැඟීම සඳහාත්, රටට අනාගතයක් ඇති කර ගැනීම සඳහාත් රජයේ ප්‍රතිපත්තියක් වශයෙන් පිළිගෙන තිබෙන විකල්ප ක්‍රියාමාර්ග වන ආණ්ඩු කවුරුන් කළ ද රට ඉදිරියට ගෙනගොස් සංවර්ධිත රටක් බවට පත් කිරීම සඳහා මෙරට රාජ්‍ය අයවැය පරතරය දැරිය හැකි මට්ටමකට පවත්වාගෙන යාමට සහ මෙරටට ගලා එන විදේශ විනිමය වැඩි කරගැනීම මෙන්ම රටින් පිටවන විදේශ විනිමය අවම කර ගැනීමට සහ විදේශ සම්පත් වැඩිකර ගැනීමට කටයුතු කිරීම කළ යුතු බව හෙතෙම මෙහි දී අවධාරණය කළේය.
ඒ අනුව දැනුම ප්‍රාග්ධනය බවට පත්වන ලෝකයේ මෙරට මානව සම්පත ජාත්‍යන්තර වෙළඳපොළට සරිලන පුහුණු ශ්‍රමය සහිත ශ්‍රමිකයින් ලෙස පුහුණු කරවීම බව අමාත්‍යවරයා මෙහි දී සඳහන් කළේය. මෙය ජාතික වගකීමක් වනබවැහැ හෙතෙම සඳහන් කළ අතර ඒ අනුව ඉදිරියේ දී මහනුවර සහ දකුණේ ස්ථාන දෙකකත් බර යන්ත්‍රෝපකරණ පුහුණු මධ්‍යස්ථාන ආරම්භ කිරීමට බලාපොරොත්තු වෙන බවත් අමාත්‍යවරයා මෙහි දී වැඩිදුරටත් සඳහන් කළේය.
