ස්විට්සර්ලන්ත තානාපති කාර්යාලයේ අනුයුක්ත නිලධාරීන්ට සහ ජ්‍යෙෂ්ඨ නිලධාරීන්ට ආපදා කළමනාකරණයේ වර්තමාන තත්වය සහ ආපදා හේතුවෙන් සිදුවන අවතැන්වීම් සහ ඒ සඳහා ගනු ලබන හදිසි ප්‍රතිචාර යාන්ත්‍රණයන් පිළිබඳව දැනුවත් කිරීම මෙම සාකච්ඡාවේ අරමුණ විය.
තානාපති කාර්යාල නිලධාරීන් ශ්‍රී ලංකාවේ පවතින ආපදා කළමනාකරණ යාන්ත්‍රණයන් පිළිබඳ වඩා හොඳ අවබෝධයක් ලබා ගැනීම සඳහා ප්‍රධාන රාජ්‍ය ආයතන සහ තාක්ෂණික ආයතන නියෝජිතයන් සමඟ සාකච්ඡා කර තිබේ.
මෙම සාකච්ඡාවට ආපදා කළමනාකරණ මධ්‍යස්ථානයේ අධ්‍යක්ෂ ජනරාල් මේජර් ජෙනරාල් (විශ්‍රාමික) සුදන්ත රණසිංහ මහතාගේ ප්‍රධානත්වයෙන් පැවැති මෙම සාකච්ඡාව සඳහා ස්විට්සර්ලන්ත තානාපති කාර්යාලයේ නියෝජ්‍ය ප්‍රධානී රාවුල් ඉම්බාච් මහතා (Raoul Imbach) , ඉව්ලින් ස්ටූඩර් මහත්මිය (Evelin Studer )ඇතුලු අනෙකුත් තානාපති නිලධාරීන් සහභාගී විය.
