සෑම වර්ෂයකම පෙබරවාරි මස 15වැනි දින ලෝක හිපෝ දිනය සමරනු ලබයි.මොවුන් සඳහා විශේෂ දිනයක් ප්‍රකාශයට පත් කර ඇත්තේ මොවුන් වඳවී යාමේ තර්ජනයට ලක් ව ඇති බැවින් එම වඳවී යාම වැළැක්වීම සඳහා ක්‍රියාමාර්ග ගැනීමට මිනිසුන් දිරිමත් කිරීම සඳහා වේ.
හිපපොටේමස් , අලි ඇතුන් සහ රයිනෝසිරස්ගෙන් පසු, විශාලතම ගොඩබිම ක්ෂීරපායි සත්වයන් වේ. ඌරන්ට ඔවුන්ගේ භෞතික සමානකම් තිබියදීත්, හිපපොටේමස්ගේ සමීපතම ඥාතීන් වන්නේ තල්මසුන්, ඩොල්ෆින්, පෝපොයිස් යනාදිය වන අතර, ඔවුන් මීට වසර මිලියන 55 කට පමණ පෙර අපසරණය විය.
හිපෝ යනු අර්ධ ජලජ ක්ෂීරපායින් වන අතර ඔවුන් උප සහරා- අප්‍රිකාවට ආවේණික වන අතර මූලික වශයෙන් ගංගා සහ කඩොලාන වගුරු බිම්වල දක්නට ලැබේ.හිපොපොටේමස් යන වචනය ලතින් වචනයක් වන අතර "හිපොස් "යනු අශ්වයා වන අතර "පොටැමොස්" ගංගාව සඳහා භාවිත කෙරේ.එම වචන දෙක එක්ව ගත් විට එහි තේරුම "ගංගාවේ අශ්වයා" වේ.1909 වන තෙක් ස්වභාවික විද්‍යාඥයින් ඌරන් සමඟ හිපෝ වර්ගීකරණය කර තිබේ.
හිපොපොටේමස් වඳ වී යාමට එක් ප්‍රධාන හේතුවක් වන්නේ දරුණු සතුන්ගේ ප්‍රහාරවලට ලක්වීමයි.එසේම ඉඩෝරය හේතුවෙන් සිය ස්වභාවික වාසස්ථාන අහිමිවීම සහ මෙම සතුන් දඩයම් කිරීම ද වඳවී යාමට තවත් සාධකයක් වේ.
ඒ හේතුවෙන් ලෝක හිපෝ දිනය මෙම සතුන් වඳවී යා නොදී ආරක්ෂා කර ගැනීමට මිනිසුන් එක් වීම අරමුණු කර තිබේ.
