කිසිදු රජයේ ආයතනයක් තුළ මෙවර පළාත් පාලන මැතිවරණය වෙනුවෙන් පෙනීසිටින අපේක්ෂකයන් වෙනුවෙන් ඡන්ද කටයුතු කිරීම තහනම් බවත්,එසේ සිදුකරන්නන් සම්බන්ධයෙන් ක්‍රියාමාර්ග ගන්නා බවත් ශ්‍රී ලංකා මැතිවරණ කොමිෂන් සභාව දන්වයි.
පෙබරවාරි 13දා මැතිවරණය වෙනුවෙන් රජයේ ආයතන යොදා නොගැනීම සම්බන්ධයෙන් මාධ්‍ය නිවේදනයක් නිකුත් කරමින් එම කොමිසම මේ සම්බන්ධයෙන් දන්වා ඇත.
කිසිදු කාර්යාලයක හෝ පාසලක, පළාත් පාලන ආයතනය, රාජ්‍ය සංස්ථාවක හෝ ව්‍යවස්ථාපිත මණ්ඩලයක මෙසේ අපේක්ෂකයන් වෙනුවෙන් ජන්ද ආයාචනා කිරීම, අත්පත්‍රිකා බෙදීම හෝ වෙනත් එවැනි ක්‍රියාකාරකම් මෙමගින් තහනම් කර ඇත. එබැවින් එවැනි ක්‍රියාවල යෙදීමෙන් වළකින ලෙස දේශපාලනඥයන්, දේශපාලන ක්‍රියාකාරීන් හා වෘත්තිය සම්ති වෙත මැතිවරණ කොමිසම වැඩිදුරටත් දන්වා ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
