ත්‍රිපෝෂ නිෂ්පාදනය සඳහා බඩඉරිගු වෙනුවට වෙනත් ආදේශක පිළිබඳ සොයා බලන බව ද, ඒ සම්බන්ධයෙන් සෞඛ්‍ය අමාත්‍යංශය ද මැදිහත්වී කටයුතු කරන බව ද පවුල් සෞඛ්‍ය කාර්යංශයේ අධ්‍යක්ෂ විශේෂඥ වෛද්‍ය චිත්‍රමාලී ද සිල්වා මහත්මිය පැවසුවාය.
මෙම දිනවල ගර්භණී මවුවරුන්ට සහ දරුවන්ට ත්‍රිපෝෂ ලබාදීම සම්බන්ධයෙන් රජයේ නිල පුවත් වෙබ් අඩවිය සිදුකළ විමසීමකදී ඇය මේ බව කියා සිටියාය.
බඩඉරිගු නිෂ්පාදනය අඩුවීම හේතුවෙන් මෙම දිනවල ගර්භණී මවුවරුන් සහ දරුවන් සදහා ත්‍රිපෝෂ නිෂ්පාදනය තරමක් අඩුවූ බවද, ත්‍රිපෝෂ නිෂ්පාදනය සදහා නිෂ්පාදන ආයතනයක් තෝරාගැනීමට මේ වන විට ටෙන්ඩර් කැදවා ඇතැයිද, එළඹෙන සතියේ ටෙන්ඩර් විවෘත කර නිෂ්පාදන සමාගමක් තෝරාගෙන ත්‍රිපෝෂ නිෂ්පාදනය කඩිනමින් යථාවත් කරන බවද ඇය වැඩිදුරටත් කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
