කියුබානු ජාතික දිනය ඉකුත් 01 දාට යෙදී තිබිණ. ඒ නිමිත්තෙන් ශ්‍රී ලංකාවේ කියුබානු තානාපති කාර්යාලයේදී තානාපතිනි ජුවානා එලීනා රාමෝස් රොඩ්රිග්‍රස් මහත්මිය හමු වූ විදේශ අමාත්‍ය දිනේෂ් ගුණවර්ධන මහතා කියුබානු රජයට සුබ පැතුවේය.
කොවිඩ්-19 වසංගත තත්ත්වය තුළ කියුබාවෙන් ශ්‍රී ලංකාවට ලැබෙන සහයෝගය පිළිබඳවද අමාත්‍යවරයා කියුබානු රජයට ශ්‍රී ලංකා රජය වෙනුවෙන් සිය කෘතඥතාවය පළ කළේය.
කියුබානු ජාතික දිනය වෙනුවෙන් එරට රාජ්‍යයට හා ජනතාවට සුබ පැතිම සදහා මේ අවස්ථාවට කියුබානු මිත්‍ර සංගමයේ නියෝජිතයින් ලෙස අමාත්‍ය වාසුදේව නානායක්කාර, රාජ්‍ය අමාත්‍ය සුසිල් ප්‍රේමජයන්ත, පාර්ලිමේන්තු මන්ත්‍රි මහාචාර්ය තිස්ස විතාරණ, පාර්ලිමේන්තු මන්ත්‍රී යදාමිණි ගුණවර්ධන, කොළඹ නාගරික මන්ත්‍රි ස්ටීවන් ඇතුළු දේශපාලන පක්ෂ නියෝජිතයින් පිරිසක්ද සහභාගි වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
