මේ අනුව මසකට සහල් මෙට්‍රික්ටොන් 20,000 බැගින් මෙම සහල් තොග සතොස මඟින් ආනයකය කිරීමට කැබිනට් මණඩලය ඊයේ (28) තීරණය කොට ඇත්තේ කර්මාන්ත සහ වාණිජ කටයුතු අමාත්‍ය රිසාඩ් බදියුදීන් මහතා ඉදිරිපත් කළ යෝජනාවක් අනුමත කරමිනි.

මීට පෙර කැබිනට් මණ්ඩලය ලබාදුන් අනුමැතිය අනුව පෞද්ගලික අංශය මඟින් සහල් මෙට්‍රික් ටොන් 11,3000ක් ආනයනය කරනු ලැබූ නමුත් ඊට සමගාමීව දේශීය වෙළෙඳපොළේ සහල් මිල පහළ ගොස් ඇත්තේ ඉතා සුළු වශයෙන් යැයි කැබිනට් ප්‍රකාශක අමාත්‍ය රාජිත සේනාරත්න මහතා අද (01) රජයේ ප්‍රවෘත්ති දෙපාර්තමේන්තුවේ පැවැති කැබිනට් තීරණ දැනුම්දීමේ මාධ්‍ය හමුවේදී පැවසීය.

සතොස මඟින් තවත් සහල් මෙට්‍රික් ටොන් 100,000ක් ආනයක කරනු ලබන්නේ සහල් ආරක්ෂිත තොගයක් පවත්වාගෙන යාමට සහ වෙළෙඳපොළේ පවතින සහල් හිඟය නැති කොට සහල් මිල පාලනය කිරීමේ අරමුණින් බව ද සේනාරත්න මහතා වැඩිදුරටත් කීය.