තිරසර සංවර්ධන ඉලක්ක ක්‍රියාත්මක කිරීමේදී කාන්තාවන් හා තරුණ පරම්පරාව අරමුණු කරගෙන දියත් කරනු ලබන උපාය මාර්ගික ක්‍රමෝපායන් පිළිබඳව සාකච්ඡා කෙරෙන දෙදින වැඩමුළුව තිරසර සංවර්ධන හා වනජීවී නියෝජ්‍ය අමාත්‍ය සුමේධා ජී. ජයසේන මහත්මියගේ ප්‍රධානත්වයෙන් හෙට (14 ) දින පෙ.ව 8.30 ට බත්තරමුල්ල වෝටර්ස් එජ් හි ඊගල් ශාලාවේදී ආරම්භ වේ.
තිරසර සංවර්ධන හා වනජීවී අමාත්‍ය ගාමිණී ජයවික්‍රම පෙරේරා මහතාගේ උපදෙස් පරිදි මෙම වැඩමුළුව සංවිධානය කරනු ලබන්නේ තිරසර සංවර්ධන හා වනජීවී අමාත්‍යංශය සහ ශ්‍රී ලංකා පවුල් සැළසුම් සංගමයයි.
කාන්තාවන් හා තරුණ පරම්පරාව ඉලක්ක කරගෙන ක්‍රියාත්මක කරනු ලබන තිරසර සංවර්ධන වැඩසටහනෙහි උපාය මාර්ගික ක්‍රමෝපායන් පිළිබඳ මෙම වැඩමුළුව 14 හා 15 යන දෙදින පුරා පැවැත්වේ.
කාන්තා, ළමා, තරුණ සංවිධාන නියෝජනය කරන රාජ්‍ය මෙන්ම රාජ්‍ය නොවන ආයතන රැසක නියෝජිතයින් මෙම වැඩමුළුවට සහභාගීවීමට නියමිතයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
