මාලදිවයින හා ශ්‍රී ලංකාව අතර ඒකාබද්ධතා කොමිසම් සභාවේ තෙවන සැසි වාරයට සහභාගීවීම සඳහා විදේශ කටයුතු අමාත්‍ය මංගල සමරවීර මහතා මාලදිවයිනේ දෙදින නිල සංචාරයක නිරත වේ.
මාලදිවයින් විදේශ කටයුතු අමාත්‍ය ආචාර්ය මොහොමඩ් අසීම් මහතා පසුගිය දා විදේශ කටයුතු අමාත්‍යාංශයේදී ශ්‍රී ලංකාවේ විදේශ කටයුතු අමාත්‍ය මංගල සමරවීර මහතා හමුවිය.
දෙරට අතර පවතින මිත්‍රත්වය හා සහයෝගීතාව තවදුරටත් ශක්තිමත් කිරීමට හා වැඩිදියුණු කිරීමට ගත යුතු ක්‍රියා මාර්ග පිළිබඳව මෙහිදී සාකච්ඡා විය. ශ්‍රී ලංකාව මාලදිවයින වෙත ලබාදෙන අඛණ්ඩ සහාය පිළිබඳ සිය ප්‍රසාදය පළ කළ අමාත්‍ය හසීම් මහතා දෙරට අතර නිරන්තර සාකච්ඡා පැවැත්වීමේ වැදගත්කම අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
