සෞඛ්‍ය සේවා අධ්‍යක්ෂ ජනරාල්වරයා මේ බව ප්‍රකාශ කළේ, අද (03) කොළඹ, සෞඛ්‍ය අධ්‍යාපන කාර්යාංශයේ පැවැති මාධ්‍ය සම්මන්ත්‍රණයකට සහභාගී වෙමිනි.
වසර ''2020'' දී ලාදුරු රෝගයෙන් තොර ශ්‍රී ලංකාවක්- රෝගයට ඇති අනියත බිය සහ කොන් කිරීම නවතමු'' මැයෙන් මාධ්‍ය සම්මන්ත්‍රණය පැවැත්විණි.
එහිදී තවදුරටත් අඳහස් දැක්වූ සෞඛ්‍ය සේවා අධ්‍යක්ෂ ජනරල්වරයා;
ලාදුරු රෝගය කියන සංකල්පය මනව ඉතිහාසයේ ඈතට ගිය කාරණයක්.ලාදුරු රෝගය පිළිබඳ සමාජ භීතිකාව ඉතිහාසයේ තිබුණා. එහෙත් 1989 වනවිට ලාදුරු රෝගය සාමාන්‍ය රෝගයක් බවට පත් වුණා.අද වනවිට ලදුරු රෝගීන් වසරකට දෙදහසක් පමණ වාර්තා වෙනවා. ලාදුරු රෝගය ව්‍යාප්තිය අඩු වී තිබෙනවා කියලා සිතන්නට අමරුයි.
අධ්‍යාපන ක්‍රමය තුළට,ලාදුරු රෝගය හඳුනාගැනීමේ වැඩපිළිවෙල, සරල සෞඛ්‍ය පිළිබඳව අවබෝධය ලබාදීමට හැකි නම් දරුවන් ප්‍රජා රෝග පිළිබඳව දනුවත් කිරීමට හැකි නම් ඒ සඳහා ගුරුවරුන්ගේ දායකත්වය ඉතා වැදගත්.
ලාදුරු රෝගය ව්‍යාප්ත වීම පාලනය කළ හැක්කේ මහජනතාව දැනුවත් කිරීමෙනුයි.මේ පිළිබඳව අවධානයෙන් සිටිනවා. ජනතාවට සුරක්ෂිත සමාජයක් ඇති කළ යුතුයි. ලාදුරු රෝගය සමාජයෙන් තුරන් කළ යුතුයි. අපේ සැලැස්ම, 2020 වනවිට ලාදුරු රෝගය ව්‍යාප්තිය වැලැක්වීමට කටයුතු කිරීම යැයි ද සෞඛ්‍ය සේවා අධ්‍යක්ෂ ජනරාල්වරයා පැවසී ය.
පසුගිය අවුරුදු 10 තුළ සෑම වසරකම ලදුරු රෝගීන් 2000ක් පමණ හමු වී තිබෙන අතර 2016 වසරේ ලාදුරු රෝගීන් 1853ක් හමුවී ඇති බව ලාදුරු මර්දන ව්‍යාපාරය පවසයි.
