ශ්‍රී ලංකා පදනම් ආයතනයේ පැවැති රාජ්‍ය ඖෂධ නීතිගත සංස්ථාවේ වර්ණ සම්මාන ප්‍රදානෝත්සවයට සහභාගි වෙමින් අමාත්‍යවරයා මේ බව පැවසීය.
"වර්තමානයේ බෝ නොවන රෝග පිළිබඳ ව සාකච්ඡා කළත්, ව්‍යායාම් කරන්නේ කීදෙනෙක් ද. ශරීර සෞඛ්‍ය රැකියාවක් කිරීමේ දී ඉතාම වැදගත්. ක්‍රීඩා කරන අයගේ බුද්ධිය සහ අධ්‍යාපන දැනුම ඉතා වැඩි බව පර්යේෂණවලින් සොයාගෙන තිබෙනවා. විනාඩි 30 ක කාලයක් පාපැදියක් පැදීමේ දී පිළිකා සෛල සියයට 30 කින් අඩුවන බව නවතම පර්යේෂණයකින් සොයාගෙන තිබෙනවා. පැරණි මුතුන් මිත්තන් ව්‍යායාම් රැසක් සිදු කළා. දඩයම් කිරීම, ගොවිතැන් කිරීමත් ව්‍යායාමයක්" යැයි ද කීය.
"විදේශීය රටවල උසස්වීම් ලබාදෙන්නේ ඡ්‍යෙෂ්ඨත්වය මතයි. දක්ෂතා මතයි. අපේ රටේ එහෙම නොවෙයි. වෘත්තීය සටන් සිදු කළොත් තමයි උසස්වීම් ලබාදෙන්නේ. කැපවී රාජකාරී කරන රාජ්‍ය සේවකයින් ඇගයීමට ලක් කළ යුතුයි. සමාජ සේවා කටයුතු සිදු කරන පුද්ගලයින් ද ඇගයීමට ලක් කළ යුතුයි. අපේ රටේ තම නාමය පවත්වාගෙන යාමට නම් වෘත්තීය සමිති නිලධාරියෙක් විය යුතුයි. නැතිනම් විරෝධතා පැවැත්විය යුතුයි. නමුත් මේ ක්‍රීඩක ක්‍රීඩිකාවන් තම නාමය ප්‍රචලිත කර ඇත්තේ ක්‍රීඩා ක්ෂේත්‍රයේ දක්ෂතා දැක්වීමෙන්" යැයි ද පෙන්වා දුන්නේය.
මෙහිදී රාජ්‍ය ඖෂධ නීතිගත සංස්ථාවේ අධ්‍යක්ෂ මණ්ඩලය හා සමස්ත කාර්ය මණ්ඩලය විසින් සෞඛ්‍ය අමාත්‍යවරයාට සම්මාන උපහාරයක් ද පිරිනමන ලදි.
මෙම අවස්ථාවට නියෝජ්‍ය සෞඛ්‍ය අමාත්‍ය ෆයිසාල් කාසිම්, රාජ්‍ය ඖෂධ නීතිගත සංස්ථාවේ සභාපතී නීතිඥ සරත් ලියනගේ, කළමණාකාර අධ්‍යක්ෂ ආචාර්ය එචි.එම්.එම් රූමි, සාමාන්‍යාධිකාරි දිනුෂ දසනායක යන මහත්වරුන් ඇතුලු අධ්‍යක්ෂ මණ්ඩලය එක්ව සිටියහ.
