ඒ මහතා මේ බව ප්‍රකාශ කළේ අද (20) රජයේ ප්‍රවෘත්ති දෙපාර්තමේන්තුවේ පැවැති ප්‍රවෘත්ති සාකච්ඡාවකට සහභාගි වෙමිනි.
පසුගිය රජය සමයේ දී එක් නිදහස් ආයෝජන කලාපයක් හෝ ආරම්භ නොකළ බවත් කණපිට හරවා තිබූ ආර්ථිකය එක දවසකින් ගොඩනැගිය නොහැකි බවත් පෙන්වාදුන් පාර්ලිමේන්තු මන්ත්‍රීවරයා රටේ ජන සංඛ්‍යාවෙන් හතරෙන් එකක් තරුණ පිරිසට අයත් වන බවත් ඔවුන් සඳහා රැකියා ලබානොදුනහොත් යළි තරුණ නැඟිටීමක් ඇතිවීමට අවස්ථාව ඇති බවත් පෙන්වා දුන්නේය.
වාර්ෂිව ශ්‍රම බලකායට එකතුවන තරුණ ප්‍රජාව වෙනුවෙන් රජයේ රැකියාම ලබාදිය නොහැකි බවත් ඔවුන් වෙනුවෙන් රැකියා උත්පාදන වැඩපිළිවෙළක් ක්‍රියාත්මක කළ යුතු බවත් පෙන්වා දෙන ඒ මහතා විපක්ෂය ක්‍රියාත්මක කරන්නාවු සිල්ලර ක්‍රියාවන් හරහා 2020 වසර වෙනතුරු වත්මන් ආණ්ඩුව පෙරළිය නොහැකි බවත් පැවසීය.
