හන්තාන පාරිසරික ආරක්ෂක ප්‍රදේශයේ සීමා මායිම් හා එම සීමාවන් තුල සිදුකළ හැකි ක්‍රියාකාරකම් දැක්වෙන නාම පුවරු ස්ථාපිත කිරිමේ අවස්ථාවට සහභාගි වෙමින් අධ්‍යක්ෂ ජනරාල් වරයා මෙම අදහස් පලකළේය.
2010 වර්ෂයේ හන්තාන ආරක්ෂක පාරිසරික කලාපයක් වශයෙන් නම්කළත් එහි නීතිමය තත්ත්වය පිළිබද නොදැන පාරිසරික පනත උල්ලංඝනය කරමින් විවිධ ඉදිකිරිම් රැසක් කර තිබෙන බවත් එවැනි තත්වයන් ඉදිරියේදී වලක්වා ගැනීමේ අරමුණින් මෙම දැන්විම් පුවරු සවිකරන බවත් පැවැසිය. කෙසේ වෙතත් පාරිසරික පනත උල්ලංඝනය කරමින් කටයුතු කරන අයට එරෙහිව නීතිය ක්‍රියාත්මක කරන බවත් හෙතෙම පැවසීය.
හන්තාන පාරිසරික ආරක්ෂණ කලාපයට හෙක්ටයාර් 3,830 අයත්වන අතර මුහුදු මට්ටමේ සිටි ඇති උස අනුව අඩි 3,000ට ඉහල කළාපය, අඩි 2,500ත් 3,000ත් අතර කලාපය හා අඩි 2,500ට අඩු කලාපය වශයෙන් කලාප තුනකට වෙන් කර ඇති අතර එක් එක් කලාපයන්හී කළ හැකි මිනිස් ක්‍රියාකාරකම් පිළීබදව පනතේ සදහන්ව තිබේ. මෙම කරුණු සම්බන්ධයෙන් අත් පත්‍රිකා හා සිතියම් මගින් ඉදිරියේදී ප්‍රදේශයේ ජනතාව දැනුවත් කිරීමට කටයුතු කරන බවද අධ්‍යක්ෂ ජනරාල්වරයා පැවැසීය.
මෙම පුවරු ස්ථාපනය කිරිමේ අවස්ථාවට මහනුවර අතිරේක දිස්ත්‍රික් ලේකම් ජේ.සී රණේපුර, මහනුවර ප්‍රාදේශීය ලේකම් පාලිත බණ්ඩාර, මධ්‍යම පරිසර අධිකාරියේ මධ්‍යම පළාත් අධ්‍යක්ෂ සුසන්ත වෙදගේ යන මහතවරුන් ඇතුළු රාජ්‍ය නිලධාරින් රැසක්ද සහභාගි විය.
AP/DMU-Kandy
