මෙරට් ආර්ථික වෙනස් ඇති කිරීමට ජනාධිපතිතුමාත් අගමැතිතුමාත් මේ රජයත් දැවැන්ත වැඩපිළිවෙළකට යෙදී සිටින අතර එය ලෙහෙසි පහසු කාර්යයක් නොවන බවත් ආර්ථික වශයෙන් බංකොළොත්, විශාල ණයක් සමඟ ජනතා සුබසාධනයත් සමඟ ඉදිරියට ගෙන යා යුතු බවත් අමාත්‍යවරයා පෙන්වා දුන්නේය.
තරුණ පිරිසට රැකියා ලබාදීමේ විශේෂ වැඩපිළිවෙළක්, නිපුණතා සහිත ශ්‍රමිකයින් ඇති කිරීම යනාදී වැඩපිළිවෙළක් චීන රජය සමඟ එක්ව ආරම්භ කර තිබෙන බව ද අමාත්‍යවරයා සඳහන් කළේය.
රජයේ ප්‍රවෘත්ති දෙපාර්තමේන්තුවේ අද( 08) පැවති මාධ්‍ය හමුවට එක්වෙමින් අමාත්‍යවරයා මේ බව සඳහන් කළ අතර මෙම පුළුල් ආයෝජන වැඩපිළිවෙළ සම්බන්ධයෙන් ජනතාව තුළ වැරදි මතයක් ඇති කිරීමට කටයුතු කිරීම සදාචාර සම්පන්න දේශපාලඥයින්ගේ ක්‍රියා පිළිවෙත නොවන බව ද සඳහන් කළේය.
අගමැතිවරයා, චීන තානාපතිවරයා ඇතුළු පිරිසක් සහභාගි වූ උත්සව අවස්ථාවට උද්ඝෝෂකයින්ගෙන් පැමිණීම වැළැක්වීමට පොලීසිය කටයුතු කර තිබෙන බව හම්බන්තොට ඊයේ (07) ඇති වූ සිද්ධිය සම්බන්ධයෙන් මාධ්‍යවේදියෙකු ඇසූ ප්‍රශ්නයකට පිළිතුරු දෙමින් අමාත්‍යවරයා පෙන්වා දුන්නේය.
දකුණේ මෙම ආයෝජන කලාපය තුළින් කිසිදු පුද්ගලයෙකුට අසාධාරණයක් සිදු නොවන බව ද අමාත්‍යවරයා වැඩිදුරටත් පැවසීය.
