අභාවප්‍රාප්ත හිටපු අග්‍රාමාත්‍ය රත්නසිරි වික්‍රමනායක මැතිතුමාගේ දේහය පිළිබඳ අවසන් කටයුතු පූර්ණ රාජ්‍ය අනුග්‍රහය සහිතව ලබන 31 දින හොරණදී සිදු කිරීමට නියමිතය.
රාජ්‍ය ගෞරව සඳහා එතුමාගේ දේහය 2016.12.28 දින ශ්‍රී ජයවර්ධනපුර කෝට්ටේ පාර්ලිමේන්තු සංකීර්ණයේ තැන්පත් කෙරෙන අතර ඉන් අනතුරුව දේහය මහජන ගෞරවය සඳහා රත්නසිරි වික්‍රමනායක මැතිතුමාගේ හොරණ නිවසේ තැන්පත් කෙරෙනු ඇත.
1965 වසරේදී හොරණ ආසනය නියෝජනය කරමින් පාර්ලිමේන්තුවට පිවිසි රත්නසිරි වික්‍රමනායක මහතා නියෝජ්‍ය අමාත්‍ය, අමාත්‍ය ධුරයන් මෙන්ම අග්‍රාමාත්‍ය ධුරයද හෙබවූ මෙරට කෘතහස්ත දේශපාලනඥයෙකු විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
