දකුණු කොරියානු රජයේ ආධාර මත අපරාධ පරීක්ෂණ දෙපාර්තමේන්තුව යටතේ ස්ථාපිත කරන ලද ඩිජිටල් වෝහාරික පුහුණු මධ්‍යස්ථානය ඊයේ (20) උදෑසන අග්‍රාමාත්‍ය කාර්යමණ්ඩල ප්‍රධානී නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මහතාගේ ප්‍රධානත්වයෙන් විවෘත කෙරිණි.
වර්තමානයේ සිදුවන අපරාධ මැඩලීම සඳහා නවීන තාක්ෂණය භාවිතා කිරීම හා ඒ සම්බන්ධයෙන් පොලිස් නිලධාරීන් දැනුවත් කිරීම මෙමගින් අපේක්ෂිත කාර්යන් වනු ඇත.
මෙම අවස්ථාවට නීතිය හා සාමය සහ දක්ෂිණ සංවර්ධන අමාත්‍යංශයේ ලේකම් ජගත් විජේවීර මහතා, දකුණු කොරියාවේ තානාපති, පොලිස්පති සහ ජ්‍යෙෂ්ඨ පොලිස් නිලධාරීන් මෙන්ම කොරියානු රාජ්‍ය ත්‍රාන්ත්රිකයන් පිරිසක් සහ මෙරට රාජ්‍ය නිලධාරීන් ඇතුලු පිරිසක්ද සහභාගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
