ලංගමය විසින් සාමාන්‍යයෙන් දිනකට සේවයෙහි යොදවන්නේ බස් රථ 5900ක් පමණී. දුර සහ කෙටි ගමන් සේවාවන්ට කිසිදු බාධාවක් නොවන පරිදි වැඩිපුර තවත් බස්රථ 200ක් ධාවනයෙහි යෙද වූ බව ද සභාපතිවරයා කීය.
මේ අතර ප්‍රාදේශීය ඩීපෝ අධිකාරීවරුන් දැනුවත් කරමින් සියලුම ලංගම බස්රථ රියදුරන්, කොන්දොස්තරවරුන්, කාර්මිකයින් ආදී සේවකයන්ගේ නිවාඩු අවලංගු කිරීමට පියවර ගත් බව ද ඒ මහතා සඳහන් කළේය.
ධාවනයෙහි යෙදෙන ලංගම බස්රථවලට පූර්ණ ආරක්ෂා ඉල්ලා තමා පොලිස්පතිවරයාට ලිඛිතව දන්වා ඇති බවත් ඊට අමතරව පොලිස් ඡංගම මුර රථ යොදා ඇති බවත් පෙන්වා දුන් සභාපතිවරයා බස්රථ ගාල්වලට සහ රාත්‍රී බස්රථ නතර කර තිබෙන ස්ථානවලට ද පොලිස් ආරක්ෂාව යොදා තිබෙන බව ද වැඩිදුරටත් පැවසීය.
