ඒ අනුව එක් පාසලක් වෙනුවෙන් පරිගණක 21 ක්, යූ.පී.එස්. 21 ක්, ජාලගත මුද්‍රණ යන්ත්‍රයක්, බහුමාධ්‍ය ප්‍රක්ෂේපණ යන්ත්‍රයක් (තිරය සමඟ), ශිෂ්‍ය පුටු 40 ක්, දේශක මේසයක් හා දේශක පුටුවක් මේ සඳහා අන්තර්ගත වන අතර පාසල් 26 ක් සඳහා මෙම උපකරණ කට්ටල ලබාදීමට වැය කර ඇති මුදල රුපියල් මිලියන 75ක් වේ.

මීට අමතරව පාසල්වල විදුහල්පතිවරුන් හා තොරතුරු තාක්ෂණ විෂය භාර ගුරුවරුන් සඳහා පරිගණක ප්‍රශස්ත මට්ටමින් භාවිත කිරීම සම්බන්ධයෙන් දැනුවත්කිරීම හා පරිගණක උපාංගවල පිරිවිතර ඇතුළත් නිල ලේඛනයක්  ලබාදීම ද මෙහිදී සිදු විය.

මේ උත්සව අවස්ථාවට අධ්‍යාපන ලේකම් සුනිල් හෙට්ටිආරච්චි මහතා සහ අධ්‍යාපන අමාත්‍යාංශයේ අතිරේක ලේකම්වරුන් ඇතුලු නිලධාරීන් පිරිසක් එක්ව සිටියහ.